Մանուկյանի փոխարեն ԱԺ կգնա Ծառուկյանի օգնականը. ռեյտինգայիններին տրվել էր 250 հազար դոլար. armtimes.com

«Ծառուկյան» դաշինքի շուրջ ստեղծված ինքնաբացարկների աղմուկի հանգուցալուծումը շուտով տեղի կունենա: Armtimes.com-ին հայտնի դարձավ, որ Ծառուկյան դաշինքից մայսի 3-ին մանդատ ստացած 8 թեկնածուից Խաչիկ Մանուկյանի հարցը Գագիկ Ծառուկյանն արդեն լուծված է համարում: Բանն այն է, որ Ծառուկյան դաշինքից մանդատ ստացած այդ 8 թեկնածուից միայն Խաչիկ Մանուկյանի հետ Գագիկ Ծառուկյանը չի կարողացել պայմանավորվածության գալ, քանի որ վերջինս մայիսի 3-ին կայացած ԿԸՀ նիստից հետո հանրապետությունից բացակայում է: Նույն աղբյուրի փոխանցմամբ` Խաչիկ Մանուկյանը նախապես ինքնաթիռի տոմս էր ձեռք բերել եւ խուսափել ԲՀԿ նախագահի հետ հանդիպումից:Գագիկ Ծառուկյանն այս ընթացքում կարողացել է իր որոշումը շրջանացած բոլոր թեկնածուների հետ պայմանավորվածության գալ նրանց մանդատների ճակատագրերի հարցով, իսկ Խաչիկ Մանուկյանի մասով որոշումն առանց նրա հետ լրացուցիչ քննարկման է կայացրել: Խաչիկ Մանուկյանի վերադարձից հետո Ծառուկյանիի հետ հանդիպումը կկայանա, որի արդյուքնում Մանուկյանը կհրաժարվի մանդատից, իսկ ԱԺ կգա ԲՀԿ նախագաի օգնական Նորա Առուստամյանը:Նման սցենարի իրատեսական լինելը Ծառուկյանի շրջապատում պայմանավորում են այն հանգամանքով, որ ռեյտինգային բոլոր թեկնածուներին Ծառուկյանը 100-ից 120 միլիոն դրամ`250 հազար դոլար, ֆինանսական աջակցություն է ցուցաբերել 10-ից 12 հազար ձայն ստանալու ակնկալիքով, սակայն Խաչիկ Մանուկյանը ակնկալված ձայների մոտ կեսն է կարողացել ապահովել Արագածոտնի մարզն ընդգրկող թիվ 7 ընտրատարաքում Խաչիկ Մանուկյանից հետո առավել շատ ձայն ստացել էր Լյովա Խաչատրյանը, որը ինքնաբացարկ է հայտնել, իսկ նրանից հետո՝ ԱԺ-ում Գագիկ Ծառուկյանի օգնական աշխատած Նորա Առուստամյանը: