Ով ուզում է լինի.չեմ պատրաստվում իջնել իրենց մակարդակին ու պատասխանել.Ուրիխանյանը՝ Փաշինյանի վերջին հայտարարության մասին (video)
Արմնյուզ ՀԸ Անժելա Թովմասյանի՝ «Հայելու առաջ» հեղինակային հաղորդման ժամանակ ՀՀ ԱԺ անկախ պատգամավոր Տիգրան Ուրիխանյանը, խոսելով «Բարգավաճ Հայաստան» կուսակցության հասցեին հնչեցրած այն մեղադրանքների մասին՝ համաձայն որի՝ այս ուժը ընտրություններին ընտրակաշառք է բաժանել և արդյոք դա առնչվում է նաև Տիգրան Ուրիխանյանին, վերջինս նշել է․ «Ընտրակաշառք բաժանելն ինձ ընդհանրապես չի առնչվում, և ես չեմ պատրաստվում անգամ այս հարցերին անդրադառնալ»։
Հարցին՝ արդյոք իշխող ուժի հետ համագործակցելու եզրեր էիք փնտրում՝ դուրս գալով «Բարգավաճ Հայաստան» կուսակցությունից, Տիգրան Ուրիխանյանը պատասխանել է․ «Նիկոլ Փաշինյանի հետ ես համագործակցություն չունեմ։ Երկու տարվա նրա պաշտոնավարության ընթացքում անընդմեջ այս իշխանությանը կառավարման ձեռք եմ մեկնել՝ այդ թվում վարչապետի հետ տետատետ քննարկումների ժամանակ»։
Տիգրան Ուրիխանյանի խոսքով՝ Նիկոլ Փաշինյանը երկրին օգնություն ցուցաբերողներին փորձում է ջարդել․ «Ես ինձ համար հստակ արձանագրել եմ, որ ժողովուրդը կողմ էր այս նորերին, որպեսզի ավելի լավ ապրի, բայց արդյոք մարդիկ լավ են ապրում»։
Դիտարկմանը՝ ինչու՞ իշխանությունը չի գնում այն կոչերի հետևից, որոնցով եկել էին, Տիգրան Ուրիխանյանը նշել է․ «Կարող եմ ենթադրել․ կա՛մ չի ուզում, կա՛մ չի կարողանում, կա՛մ չի ստացվում։ Երեքի պատասխանն էլ նույնն է՝ մարդկանց կյանքը չի բարելավվում»։
Հետևեք մեզ Viber-ում
