ՀԴԲ-ի տնօրենն աշխատանքից ազատման լուրը որպես կատակ է ընդունել

ԱՄՆ-­ի նախագահ Դոնալդ Թրամփը Հետաքննությունների համապետական բյուրոյի (ՀՀԲ) տնօրեն Ջեյմս Քոմիին ազատել է իր պարտականությունների կատարումից,ասված է Սպիտակ տան մամուլի ծառայության տարածած հայտարարության մեջ: «ՀՀԲ-­ն մեր երկրի ամենահարգված ինստիտուտներից մեկն է, եւ այս օրը մեր իրավապահ մարմինների հպարտության առարկայի համար նշանավորում է նոր սկիզբ»,­-մեջբերում է անում Սպիտակ տունը Թրամփի խոսքից: Ուղերձում, որը Քոմիին է հանձնել սուրհանդակը, ընդգծված է, որ պաշտոնից նրա ազատումն «ուժի մեջ է մտնում անմիջապես», իսկ ազատման պատճառն այն Է, որ նա «չի կարողացել արդյունավետ կերպով ղեկավարել ՀՀԲ­-ն»: Ջեյմս Կոմին նախագահ Դոնալդ Թրամփի կողմից իրեն հետախուզական գերատեսչության ղեկավարի պաշտոնից ազատելու մասին լուրը որպես կատակ է ընդունել, գրում է The New York Times-ը: Վերջինիս փոխանցմամբ, Կոմին Լոս Անջելեսում ելույթ ունենալիս է եղել բյուրոյի աշխատակիցների առաջ, երբ հետին պլանում հեռուստացույցով լսել է իր հեռացման մասին լուրը: Լսելով այդ տեղեկությունը՝ Կոմին ծիծաղել է և նկատել, որ դա չափազանց ծիծաղելի խաղարկում է: Քոմին ՀՀԲ-­ի տնօրենի պաշտոնն զբաղեցրել է չորս տարուց պակաս: Նա Բյուրոյի ղեկավար է նշանակվել 2013 թվականի հունիսին ԱՄՆ-­ի նախկին նախագահ Բարաք Օբամայի կողմից: 2013 թվականի հուլիսին Սենատը նրան հաստատել է այդ պաշտոնում: