Փաշինյանը որպես պետական հանցագործ դատվելու է. Մենուա Հարությունյան (video)
Մոտ երկու տարի է Նիկոլը երազում էր նոր Հայաստանի մասին ու երեկ նա իր նոր Հայաստանը ստացավ: Այսպիսով մենք ունենք «նիկոլյան Հայաստան», որը բռնատիրական երկիր է: Այս մասին Արմնյուզ ՀԸ Անժելա Թովմասյանի՝ «Հայելու առաջ» հեղինակային հաղորդման ժամանակ ասել է քաղաքական մեկնաբան Մենուա Հարությունյանը՝ անդրադառնալով ԱԺ արտահերթ նիստում ընդունված սահմանադրական փոփոխությունների օրենքին:
Ըստ քաղաքական մեկնաբանի՝ «նիկոլյան Հայաստանում» բոլորը պետք է ենթարկվեն Նիկոլ Փաշինյանի կամքին, այլապես կենթարկվեն հետապնդումների. «Նիկոլն ասում է՝ երբ պետք է Սահմանադրությունն աշխատում է, երբ պետք չէ՝ չի աշխատում: Նույն Սահմանադրությամբ Փաշինյանը երկրում արտակարգ դրություն է հաստատել, բայց Սահմանադրական դատարանի մասին օրենք է ընդունում՝ ՍԴ չի ուղարկում այն»:
Մենուա Հարությունյանի համոզմամբ՝ երկու տարի է Հայաստանը դուրս է եկել սահմանադրականության կետից ու կառավարվում է Նիկոլի կամքով. «Հայաստանի հպարտ քաղաքացիներն, ովքեր օգնում էին Նիկոլին երկիրը բռնազավթել ու ժողովրդավարություն հաստատել, այսօր տեսնում են դիկտատուրա»:
Դիտարկմանը՝ շարքային քաղաքացին չի հասկանում, որ երկրում բռնապետություն է հաստատվում, Մենուա Հարությունյանը նշել է. «Այսօր քաղաքացիներից շատերն իրենց վրա զգում են, որ երկրում արդարություն չկա ու շատ շուտով հասկանալու են նաև, որ երկիրը սահմանադրական ծիրից դուրս է եկել»:
Մենուա Հարությունյանը Նիկոլ Փաշինյանի ու իր իշխանության կողմից երկրի կառավարումը համարում է անփառունակ. «Կորոնավիրուսի պատճառով երկրում ստեղծված իրավիճակը Հայաստանը դարձրել է «իզգոյ» պետություն: Վրաստանը սահմանները բացում է, իսկ մեզ մոտ վարակվածների թվերը բարձրանում են ու Նիկոլ Փաշինյանն անճարությունից ժողովրդին ասում է՝ դիմակ կրեք»:
Մենուա Հարությունյանը պնդում է, որ քաղաքական պայքարի ճանապարհ Նիկոլ Փաշինյանի հետ այլևս չկա, որովհետև իշխանության բոլոր ճյուղերն, այդ թվում նաև նախագահը պատկանում են նրան. «Նիկոլ, քաղաքական խելացի ուժերը հեղափոխություն չեն անելու քեզանից ազատվելու համար, դու սահմանադրական կարգը տապալած պետական հանցագործ ես, ու դու դատապարտվելու ես»:
Հետևեք մեզ Viber-ում
