Փաշինյանն այնքան ժամանակ չի գնա, մինչև չանի այն, ինչի համար նրան բերել են. Շանթ Հարությունյան (video)
Անժելա Թովմասյանի՝ Արմնյուզ ՀԸ «Հայելու առաջ» հեղինակային հաղորդման ժամանակ «Ցեղակրոն» կուսակցության ղեկավար Շանթ Հարությունյանը խոսելով ներքաղաքական իրավիճակի ու «ԲՀԿ» ղեկավար Գագիկ Ծառուկյանի նկատմամբ իրականացվող քաղաքական ու քրեական գործընթացների մասին՝ Շանթ Հարությունյանն ասել է. «Այնպես չէ, որ Նիկոլը գյուտ արեց՝ Ծառուկյանին մեղադրելով: Այսպիսի բան եղել է բոլոր իշխանությունների օրոք՝ իշխանությանը քննադատողների հետ այսպես են վարվում»:
Հարցին՝ ի՞նչ է այս դեպքում մեզ սպասվում, Շանթ Հարությունյանը պատասխանել է. «Բոլոր գործարարները, ովքեր Նիկոլի դեմ չեն պաշտպանելու Քոչարյանի վերադարձը կա՛մ բանտում են լինելու, կա՛մ քրեական գործեր են հարուցվելու նրանց նկատմամբ»:
Ըստ Շանթ Հարությունյանի՝ եթե այսօր Գագիկ Ծառուկյանին կալանավորեն, նրա բոլոր աշխատակիցները, աջակիցները կգնան մի առաջնորդի հետևից. «Պատահական չէ, որ Գագիկ Ծառուկյանն իր պատգամավորներից հավատարմության ստորագրություն է վերցրել, որովհետև ինքն էլ շատ լավ գիտի, որ մարդը դավաճանող է»:
Շանթ Հարությունյանի համոզմամբ՝ սա ոչ թե Ծառուկյանի ամոթն է, այլ հայ ժողովրդի:
Հետևեք մեզ Viber-ում
