«Եթե Ադրբեջանի առաջին տիկինն էլ, ինձ նման, իր մաշկի վրա զգար այս ամենը, այս պատերազմը վաղուց ավարտված կլիներ». Ռիտա Սարգսյան

Այսօր Վետերանների միավորման շենքի մոտ լրագրողների հետ զրույցում ՀՀ առաջին տիկին Ռիտա Սարգսյանը նշեց, որ իրնքն էլ շատ է ցանականում, որ պատերազմներ չլինեն: «Որպես առաջին տիկին՝ ես ուրիշ գործերով եմ զբաղվում, ես չեմ որոշողը։ Եթե անհամեստ չհնչի՝ ես էլ ամբողջ ժամանակ Արցախում եմ եղել, ես իմ և իմ երեխաների մաշկի վրա եմ զգացել, թե պատերազմն ինչ է: Ես տեսել եմ, թե ինչպես է ռումբերից մեկն ընկել մեր հարևանի տան վրա, ես բակում էի ու միանգամից տեսա, որ ինչ-որ արյուն եմ զգում ինձ վրա, ու չէի հասկանում՝ ի՞նչ էր։ Դա սարսափելի էր։ Եթե Ադրբեջանի առաջին տիկինն էլ, ինձ նման, իր մաշկի վրա զգար այս ամենը, երևի այս պատերազմը վաղուց ավարտված կլիներ»։