Նյութ չունեք երևի էսօր,մեղք եք, երեխեք. Վլադիմիր Գասպարյանը՝լրագրողներին

Ոստիկանապետ Վլադիմիր Գասպարյանը Հաղթանակի զբոսայգում  լրագրողներից մեկի այն դիտարկմանը, թե ասում են, վարչապետի ու ոստիկանության պետի հարաբերությունները լարված են պատասխանեց. «Այ էս թեմայով մի բան հնարեք: Նյութ չունեք երևի էսօր»,-ասաց Վ. Գասպարյանը, լրագրողներին մեղադրելով ֆանտազիա ունենալու, ինչ-որ բաներ հնարելու, ապա դրանց հիման վրա վերլուծություններ անելու համար: Հարցին, թե ի՞նչ հարաբերություններ ունի վարչապետ Կարեն Կարապետյանի հետ, քանի որ կան տեղեկություններ, որ դրանք լարված են, Վլադիմիր Գասպարյանը ժպտալով ասաց. «Հրաշալի: Ինչ մեղք եք, երեխեք: Նյութ չունեք էսօրվա, հա՞»: Վլադիմիր  Գասպարյանն ասաց, որ ինքը լինելու է նաև նոր կառավարության կազմում: Ոստիկանության ղեկավարը շնորհավորեց լրագրողներին ու ժողովրդին հաղթանակի կապակցությամբ