Ծառուկյանի օրակարգը հայտնի է
Ինչպես հայտնի է, Գագիկ Ծառուկյանը ԲՀԿ քաղխորհրդի նիստում արված հայտարարությունից հետո, որտեղ նա բարձրացրեց կառավարության հրաժարականի հարցը, քաղաքական հանդիպումների շարք է սկսել:
Մեր տեղեկություններով` Գագիկ Ծառուկյանն ակտիվ բանակցություններ է վարում նախկինում գործունեություն ծավալած, ինչպես նաև նորաստեղծ կուսակցությունների, միավորումների և հասարակական կազմակերպությունների, հետ: Քննարկումների շրջանակում ներառված են նաև նախկին պատգամավորներ, գործարարներ, մտավորականներ:
Մեզ հայտնի է դարձել, որ քննարկումների արդյունքում որոշվել է ստեղծել ազգային փրկության հանձնաժողով, որի կազմում ընդգրկվելու են մասնակից ուժերի մեկական ներկայացուցիչներ: Նրանք հանդես են գալու հայտարարությամբ` պահանջելով հանդիպում վարչապետ Նիկոլ Փաշինյանի հետ: Հանդիպման օրակարգում ընդգրկված է լինելու ստեղծված տնտեսական և համավարակային ճգնաժամը հաղթահարելու շուրջ քննարկումներ սկսելը` առաջարկների և պահանջների ներկայացման նպատակով: Հիմնական գաղափարն այն է, որ պետք է ստեղծվի համազգային փրկության կառավարություն, որի կազմը պետք է համաձայնեցվի նշված ուժերի հետ: Ծառուկյանի շուրջ համախմբված ուժերի նպատակը թերևս այս ձևաչափով Նիկոլ Փաշինյանի հեռացման հարցի լուծումն է լինելու:
Հետևեք մեզ Viber-ում
