Իրադրությունն առաջնագծում հարաբերական հանգիստ է.Արծրուն Հովհաննիսյան

Այս պահի դրությամբ իրադրությունն առաջնագծում հարաբերական հանգիստ է: Այդ մասին տեղեկացնում է ՀՀ ՊՆ մամլո խոսնակ Արծրուն Հովհաննիսյանը: ՊՆ մամլո խոսնակը նա տեղեկացնում է, որ երեկ կրակոցներ են եղել նաև ՀՀ սահմանին: Այս պահին իրավիճակը հանգիստ է: Հիշեցնենք, որ ԱՀ պաշտպանության բանակից տեղեկացմամբ էլ 2017թ. Մայիսի 6-ին, 7-ին և լույս 8-ի գիշերը արցախա-ադրբեջանական հակամարտ զորքերի շփման գծում նկատվել է լարվածության աճ: Հակառակորդը տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է շուրջ 160 անգամ՝ հայ դիրքապահների ուղղությամբ արձակելով ավելի քան 2600 կրակոց: Շփման գծի արևելյան ուղղությամբ, բացի հրաձգային զինատեսակներից, ադրբեջանական զինուժը մայիսի 7-ին կիրառել է նաև 60 միլիմետրանոց ականանետ (7 արկ) և հաստոցավոր ավտոմատ նռնականետ (7 արկ): ՊԲ առաջապահ զորամասերը շարունակում են լիակատար վերահսկողություն պահպանել առաջնագծում և վստահորեն իրականացնել իրենց առջև դրված մարտական խնդիրը: