Հակոբ Բեգլարյանը կողմ է, որ իր շտաբում լրագրողի ծեծի գործը բացահայտվի
«Ժամանակ» թերթի համարում կարդում ենք. «Հակոբ Բեգլարյանը երեկ ներկայացել էր պատգամավորական մանդատներ ստանալու արարողությանը: «Անպայման աշխատելու ենք շատ լավ և ի շահ մեր երկրի»,- «ժամանակ»- հետ զրույցում նշել է ՀՀԿ խմբակցության պատգամավորը: Անդրադառնալով դիտարկմանը, որ ընտրության օրը իր շտաբում աղմուկ էր բարձրացել, լրագրողի էին ծեծել, սակայն գործը, ըստ էության, փակվում է, Բեգլարյանը նշել է. «Այդ գործով զբաղվում են իրավապահ մարմինները, ոչ մեկս խառնվելու, խանգարելու իրավունք չունենք: Իրանք մինչև վերջ գործը կտանեն առաջ: Հանրությունը կուրսի կլինի’ ինչ եղավ, ոնց եղավ: Ես կողմնակից եմ արդարությանը, որ գործը բացահայտվի»,-ասել է Բեգլարյանը’ հավելելով, որ ամեն դեպքում այդպիսի բան չի եղել: Իրենք ունեցել են 70-ից ավել շտաբ, որտեղ հարյուրավոր մարդիկ են մտել- դուրս եկել, և ինքը ոչ մեկի համար պատասխանատու չէ: «Տարբեր մարդիկ, տարբեր բնավորության տեր լրագրողներ… ես կարո՞ղ էի բոլորի համար պատասխանատվություն կրել: Բայց իրականությունը պարզ կդառնա»,֊-ասել է Բեգլարյանը»: Մանրամասները ՝ թերթի այսօրվա համարում:
Հետևեք մեզ Viber-ում
