Հարություն Կարապողոսյանը՝ իր շտաբի անդամներին չվճարելու լուրերի մասին
Հարություն Կարապողոսյանը (Սնխչի Հարութ) լրագրողներին խնդրեց, հարցեր չտալ և չցանկացավ բացահայտել իր տեսլականը: «Այս պահին թույլ տվեք չասել, թե որն է իմ տեսլականը, աշխատանքի ընթացքում կերեւա: Եթե հիմա սկսեցինք տեսլականները նկարագրել ու բացատրել, մենք հաստատ չենք հասցնի մանդատ ստանալ»,-ասաց նա: Լրագրողներից մեկի հարցին, թե հետընտրական շրջանում մամուլում բազմաթիվ հրապարակումներ եղան, որ ընտրությունների կազմակերպման հետ կապված գումարներ է խոստացել իր շտաբի անդամներին, սակայն ընտրություններից հետո անհետացել է եւ չի պատասխանում նրանց հեռախոսազանգերին, Կարապողոսյանը նշեց. «Չե՞ք հոգնել, ժողովուրդ ջան, ես արդեն բազմիցս անդրադարձել եմ դրան: Ես մի քանի անգամ ասել եմ, ընդամենը պետք է օրենքը կարդալ: Օրենքը եթե կարդաք, այդ հարցը էլ չեք տա»:
Հետևեք մեզ Viber-ում
