Մեղադրյալը՝ փոխոստիկանապետին. «Ձեր պատճառով ես բերդում եմ»

Այսօր ընթանում էր Սարի թաղի բնակիչ Ժորա Ավետիսյանի գործով դատական նիստը, որի ընթացքում նա, դիմելով Էրեբունու փոխոստիկանապետ Արմեն Գալստյանին, նշեց, որ վերջինիս մեղքով է, որ նա բերդում է: «Հիշեք, որովհետեւ ձեր չհիշելու պատճառով ես մի տարի է՝ բերդում եմ ու չգիտեմ, թե դեռ ինչքան կմնամ»,- հայտարարեց նա: Այնուհետև Հրաչյա Բոյաջյանը հայտարարեց, որ գիտակցում է, թե ինչ է արել. «Ես գիտակցել եմ, թե ինչ եմ արել եւ հասկանում եմ, որ իմ արածի համար ոնց ա կպել ինձ էդ հոդվածը: Չեմ հասկանում դնողը ոնց ա դրել»: Վերջինս գլխի պատռվածք է ստացել`ենթադրում է, որ քարի հարվածից: Կրծքավանդակի հատվածում էլ է հարված ստացել: «Վստահաբար չեմ կարող ասել`քարով են ինձ հարվածել, թե այլ առարկայով, այդ պահին շատ քարեր էին գալիս: Դրանից ավելի վիրավորված եմ, որ մեր Էրեբունու տարածքում նման դեպք ա լինում, կանգնեցի` մտածելով որեւէ մեկը կճանաչի, կասի տղերք, էսի Գալստյան Արմենն ա… ով որ մտել ա իմ կաբինետ, օգնել եմ: Հուլիսի 19-ին գնացել են Որմնադիրների փողոց՝ բնակչության հետ խոսելու, բացատրելու, որ ՊՊԾ գնդի տարածքում պարբերաբար կրակոցներ են լինում, հրավառություն, ինչը անհանգստացնում է բնակիչներին, որ գնան մեկ այլ տեղ ապրեն, որպեսզի «քյոռ գյուլլ ա, չգա կպնի մեկին»: Գնացինք` տեսանք բախում մոտ 30-35 քաղաքացիների եւ ոստիկանների միջեւ: Շրջանցել ենք համ քաղաքացիներին, համ ոստիկաններին, կանգնել ենք բոլորի հետնամասում, որ պատկերացնեմ, թե ի՞նչ է կատարվում, համ էլ հույսով, որ որեւէ մեկն ինձ կճանաչի, քանի որ երկար տարիներ այդ տարածքում եմ աշխատել: Թեւերս փռել եմ քաղաքացիների եւ ոստիկանների մեջտեղը, փորձել եմ հանգստացնել, որ ավելորդ միջադեպեր չլինեն: Մի պահ, ոնց որ ժողովուրդն ուզում էր հետ գնար, բայց ինձանից դեպի ձախ ավելի բուռն միջադեպ տեղի ունեցավ: Մոտեցա էնտեղ, որ հանգստացնեմ, մի ակնթարթ ոնց որ լռության տիրեց, ոստիկանները հետ քաշվեցին, մեկ էլ հարվածը բնականաբար չզգացի, աչքերիս դեմը խախտվեց, ձեռս տարա`արյուն էր: Գործընկերս օգնեց, նստեցինք ոստիկանական մեքենայի մեջ, բայց քարերի հարվածները եկան դեպի ոստիկանության մեքենան: Գործընկերս մեքենայից հանեց, ոտքով իջել ենք Խորենացի փողոց»,- պատմեց տուժող ոստիկանը: Նիստը կշարունակվի մայիսի 26-ին, 14. 30-ին: Հիշեցնենք, էր  Ժորա Ավետիսյանին, Հրաչյա Բոյաջյանին եւ այս գործով կալանավորված Սարի թաղի այլ բնակիչներին ընդհանուր մեղադրանք է առաջադրվել` անցյալ տարի «Սասնա ծռեր» զինված խմբի կողմից ՊՊԾ գնդի գրավումից հետո, հուլիսի 19-ին տեղի ունեցած իրադարձությունների համար, քանի որ ոստիկանների հետ բախում էր եղել: