Ո՞րն է Գագիկ Խաչատրյանի և Սամվել Ալեքսանյանի տարբերությունը.Տիգրան Քոչարյան (video)
Նիկոլ Փաշինյանի վերջին լայվը տապալված ելույթ էր: Այս մասին Անժելա Թովմասյանի՝ Արմնյուզ ՀԸ «Հայելու առաջ» հեղինակային հաղորդման ժամանակ ասել է մեդիափորձագետ Տիգրան Քոչարյանը:
Մեդիափորձագետի խոսքով՝ այսպիսի ելույթի պատճառներից մեկը կորոնավիրուսի դեմ պայքարում կառավարության ձախողումն ու ՌԴ-ի կողմից գազի գնի նվազեցումը մերժելն էր. «Ստացվում է՝Նիկոլ Փաշինյանը որևէ խոշոր խաղացող երկրի հետ չկարողացավ այդպես էլ հարաբերություններ կառուցել»:
Ըստ Տիգրան Քոչարյանի՝ այսպիսի ձախողումների պատճառով՝ Նիկոլ Փաշինյանը սկսել է «հոխորտալ» բոլորի վրա. «Ես ինձ վատ զգացի՝ տեսնելով, որ վարչապետի պաշտոնը զբաղեցնող մարդը գտնվում է հուզական այսպիսի վիճակում»:
Հաղորդման մյուս հյուրը՝ քաղաքագետ Մանուկ Սուքիասյանը հիշեցրեց դեռևս ընդդիմադիր Նիկոլ Փաշինյանի ելույթները գազի գնի հարցով ԱԺ ամբիոնից. «Երբ Փաշինյանն ասում էր՝ սահմանին գազի փողերը մեջ-մեջ են անում, հիմա ուզում եմ հարցնել վարչապետ Փաշինյանին՝ իշխանության գալով՝ ինչու՞ է գազի գինն այդքան տարբեր մեր ու ղրղզների միջև»:
Ըստ քաղաքագետի՝ Նիկոլ Փաշինյանը, եթե ասեր՝ այսքան թալանչիներ են եղել, որոնց թալանածը բերել ենք բյուջե ու փաստերով ներկայացներ, այդժամ ժողովուրդն էլ կասեր՝ բրավո պարոն վարչապետ:
Դիտարկմանը՝ կարող է չէ՞ Նիկոլ Փաշինյանը ժողովրդին ասել՝ ինձ ընտրել եք դուք, այսօր հարցեր մի տվեք, վաղը կտեսնեք արդյունքը, Տիգրան Քոչարյանը նշել է. «Վտսահությունը ժամանակավոր կատեգորիա է: Ասել՝ ընտրություններից առաջ այս իշխանությունը ստացել է 70 տոկոս ձայն ու այդ ձայները շարունակել երկար ժամանակ շահարկել, դա պարզապես ծաղրանք է»:
Հետևեք մեզ Viber-ում
