«Խաղը հավասար չի, դատավորը ծախված է». Լեւոն Զուրաբյան
ԱԺ ճեպազրույցում ԱԺ ՀԱԿ խմբակցության ղեկավար Լեւոն Զուրաբյանը լրագրողների հետ զրույցում ասաց, որ իրենք պարտվել են մի խաղում, որոջմ սկզբունքներն ու օրենքները հավասար չէին: «Մենք պարտվել ենք մի խաղ, մի ճակատամարտ, էն էլ կարգին չենք էլ պարտվել, խաղը հավասար չի, դատավորը ծախված է, կողքից մանդատներ են փախցրել ու ստիպում են խաղալ: Նման խաղում պարտվելը ոչ ամոթ է, ոչ նվաստացուցիչ, ես կասեի՝ պատվաբեր: Մենք այդ անհավասարության պայմաններում մեր կռիվը տվեցինք եւ շարունակելու ենք տալ»,- նշեց նա: Ըստ նրա՝ ՀԱԿ-ը կարողացավ գոնե աստիճանաբար հասնել նրան, որ այսպես կոչված՝ ոչ իշխանական ուժերը հայտնվեցին հրաշալի քառյակի մեջ. «Ինչքան էլ հիմա քննադատենք, ասենք, որ սահմանափակ խնդիրներ կարողացավ լուծել, այնուամենայնիվ, այդ քառյակը լուրջ գործընթացներ տարավ: Իշխանությունները կարողացան բավականին լուրջ հակազդեցության դեղեր ներառել, առաջինը տարան ՀՅԴ-ին՝ Սահմանադրության փոփոխությունների ծածկույթով, հետո ջարդեցին ԲՀԿ-ին ու հասան նրան, որ այս գործընթացները չհասան այն ավարտին, որ մենք նախատեսում էինք: Մենք մնացինք մենակ, մնացինք մշտապես պայքարող, կռիվ տվող»:
Հետևեք մեզ Viber-ում
