Շառլ Ազնավուրը շոկային հայտարարություններ է արել

CNN International հեռուստաընկերության Բեքի Անդերսենին տված հարցազրույցում Շառլ Ազնավուրը հարցին,  թե ինչ է իր համար հայ լինելը, ասել է. «Ինձ համար ավելի կարևոր է իմ ֆրանսիացի լինելը, բայց ես հայ եմ, հետևաբար,  չեմ հերքի այդ հանգամանքը: Դա սարասափելի կլիներ: Ես չեմ սիրում մարդկանց, ովքեր թաքցնում են ինչ-որ բան, որովհետև վախենում են, որ լավ չեն ընդունվի ինչ-որ տեղ: Ձեզ դուր չեն գալիս հայերը՝ ես կհեռանամ այդտեղից: Ցտեսություն»,-ասել է Ազնավուրը: Նա նաև «լղոզված» կերպով խոսել է իսլամի և հայոց ցեղասպանության հնարավոր կապի մասին: Ազնավուրն ասել է, որ կարդացել է Ղուրանը՝ հասկանալու համար,  թե արդյո՞ք այն կարող էր ցեղասպանության խթանիչ հանդիսանալ,  և հասկացել է, որ որևէ նման բան խթանող դրույթ այդ գրքում չկա: Հետևաբար, ըստ Ազնավուրի, հայոց ցեղասպանությունը կրոնական շարժառիթ չէր կարող ունենալ: Ազնավուրի անտեղյակությունն, անշուշտ, ապշեցնում է: Հայոց ցեղասպանության առաջին փուլը՝ համիդյան շրջանը պանիսլամիզմի արդյունք էր և մասամբ հենց կրոնական գունավորում ուներ: Երկրորդ և ամենամասշտաբային շրջանը, որ գագաթնակետին հասավ 1915թ.-ին՝ բացառապես ազգային դրդապատճառներ ուներ և հետապնդում էր միայն ու միայն էթնիկ զտման նպատակ: Կրոնական խնդրից խոսելն, ընդհանրապես, զարամանալի է: Թե ինչ էր ուզում ասել Ազնավուրն իր ֆրանսիացի լինելու հանագմանքի,  իր համար առավել մեծ կարևորություն ունենալու մասին խոսելով,  մնում է անհասկանալի: Սքրինշոթը՝ CNN-ի եթերից Ա. Մարտիրոսյան