Նիկոլ Փաշինյանը ակնկալում է հավաքել 50+1 ձայն

«Եթե այդ դիմումները այդ մարդիկ չեն գրել և հիմա հայտարարում են, այդ մասին, դա ինքնին հաղորդում է հանցագործության մասին և դա պետք է պատշաճ ընթացք ստանա :Այդ կուլտուրան արդեն վաղուց Հայաստանում գոյություն ունի և կան քաղաքական ուժեր, որ պատգամավորների թեկնածուներին իրենց ցուցակում ներգրավելուց առաջ դիմում են վերցնում ինքնաբացարկի մասին, որպեսզի այդ մարդիկ լինեն առավել կառավարելի»,- «Ազատություն» ռադիոկայանի հետ զրույցում անդրադառնալով «Ծառուկյան» դաշինիքի անդամների կողմից ինքնաբացարկի դիմումները հետ վերցնելուն ասաց Երևանի ավագանու ընտրությունների «Ելք» դաշինքի քաղաքապետի թեկնածու Նիկոլ Փաշինյանը: «Ամեն բակում մարդկանց ասում են, որ դուք ունեք հնարավորություն Երևանում հաստատված կլանային իշխանությունը փոխարինել ժողովրդի իշխանության: Դուք ունեք հնարավորություն Երևանում հաստատված կոռումպացված իշխանությունը փոխարինել հաշվետու և արդյունավետ իշխանության, ինչի համար պետք է գնալ և քվեարկել «Ելք» դաշինքի օգտին»,-ասաց նա: Ինչ վերաբերում է «Երկիր Ծիրանի» կուսակցության քաղաքապետի թեկնածու Զարուհի Փոստանջյանի հետ համագործակցությանը, Նիկոլ Փաշինյանը նշեց.«Այն կարգավիճակը, որում հիմա ես եմ, առաջարկել ենք Զարուհի Փոստանջյանին: Մենք առաջարկել ենք, որ «Ելք» դաշինքը և «Երկիր Ծիրանին» միավորվեն, և Զարուհի Փոստանջյանը լինի առաջին համարը: Առավելագույնը, որ մենք կարող էին` առաջարկել, առաջարկել ենք»: Նիկոլ Փաշինյանը  ակնկալում է հավաքել 50+1, իսկ մնացած սցենարները ցանկալի չեն համարում: