Բրեդ Փիթը՝ Անջելինա Ջոլիից սկանդալային ամուսնալուծության մասին
Այս անգամ GQ Style ամսագրի հերոսը 53-ամյա աշխարհահռչակ դերասան Բրեդ Փիթն է, որը անկեղծ հարցազրույց է տվել ամսագրին: Նա խոսել է նաև իր և Անջելինա Ջոլիի ամուսնալուծության մասին: Փիթի խոսքով՝ ինքը և Ջոլին պայմանավորվածություն են ձեռք բերել 6 երեխաների համատեղ խնամակալության հարցի շուրջ: Այժմ ոչ մեկ կողմ չէ, որպեսզի ծնողներից միայն մեկը ստանձնի երեխաների խնամակալությունը: «Ես հրաժարվել եմ այդ գաղափարից և, բարեբախտաբար, իմ նախկին կինը համաձայն է դրա հետ: Դա բացասական է ազդում երեխաների վրա, որոնց ընտանիքը քայքայվել է: Մենք պետք է ավելի զգույշ և նրբանկատ լինենք այս հարցում: Տեսնում եմ՝ ինչ է կատարվում ընկերներիս հետ ամուսնալուծության ժամանակ: Ամուսիններից մեկը բառացիորեն ցանկանում է ոչնչացնել մյուսին: Նրանք տարիներ են ծախսում այդ ատելության վրա: Ես չեմ ցանկանում այդպես ապրել»,-ասել է Փիթը: Բրեդ Փիթը նաև նշել է, որ վերջին 6 ամիսների ընթացքում վերանայել է իր հայացքները: Այժմ նրա կյանքում առաջին տեղում է ընտանիքը, երեխաները, ոչ թե աշխատանքը:
Հետևեք մեզ Viber-ում
