Ես ինքնաբացարկի դիմում չեմ ներկայացրել. Նապոլեոն Ազիզյանը հետ է վերցնելու դիմումը
«Ծառուկյան» դաշինքի ռեյտինգային ցուցակով կենտրոնում առաջադրված նախկին պատգամավոր Նապոլեոն Ազիզյանը hayeli.am-ի հետ զրույցում ասաց, որ այսօր գնալու է Կենտրոնական ընտրական հանձնաժողով և հետ է վերցնելու իր անունից գրված ինքնաբացարկի դիմումը: Ինչպես ասաց՝ ինքը չէր կարող դիմում գրել, քանի որ բավականի ժամանակ է արդեն՝ տանից դուրս չի եկել: «Ընտրություններից հետո ես տանը պառկած եմ ու տանից դուրս չեմ եկել, չեմ կարում քայլեմ, էդ ոնց եղավ, որ դիմում գրեցի: Դա ինչի նման կլինի, ես հիվանդ տանը պառկած եմ եղել, բայց իմ անունից դիմում է գնացել Կենտրոնական ընտրական հանձնաժողով»,- նշեց նա: Նա հիշեցրեց նաև, որ մամուլը գրել էր, որ ըստ Կենտրոնական ընտրական հանձնաժողովի, Նապոլեոն Ազիզյանի անունով ինքնաբացարկի դիմում ոչ՛ ընտրություններից առաջ, ո՛չ էլ հետո չի ներկայացվել: «Ես անընդհատ զանգում եմ պարոն Ծառուկյանին, բայց զանգերիս չի պատասխանում: Բայց ամեն դեպքում գնալու եմ հետ վերցնեմ դիմումը: Ես ո՞նց կարող եմ դիմումը հետ չվերցնել ու իմ իրավունքները չպաշտպանել»,- վրդոհված ասաց պարոն Ազիզյանը:
Հետևեք մեզ Viber-ում
