Երևանում «գոլդ» համարանիշներով Lexus-ը բախվել է Mercedes-ին ու դիմել փախուստի. կան վիրավորներ. ՖՈՏՈՌԵՊՈՐՏԱԺ, ՏԵՍԱՆՅՈՒԹ

Երեկ՝ մայիսի 1-ին, ավտովթար է տեղի ունեցել Երևանում։ Ժամը 22։30-ի սահմաններում Արցախի և Այվազովսկի փողոցների խաչմերուկում անհայտ մակնիշի և համարանիշի ավտոմեքենայի վարորդը բախվել է Երևան քաղաքի Խաղաղ Դոնի փողոցի բնակիչ՝ 64-ամյա Վոլոդյա Կիրակոսյանի վարած Mercedes մակնիշի 34 TR 610 համարանիշի ավտոմեքենային։ Ինչպես դեպքի վայրից հայտնում է ֆոտոլրագրող Գագիկ Շամշյանը, անհայտ մակնիշի ավտոմեքենայի վարորդը դեպքի վայրից դիմել է փախուստի, իսկ Mercedes-ի ուղևորներ՝ Նոր Արեշի 37 փողոցի բնակիչներ՝ 17-ամյա Մարիամ Պետրոսյանը, 61-ամյա Կարինե Պետրոսյանը և 12-ամյա Կարինե Պետրոսյանը մարմնական վնասվածքներով տեղափոխվել են «Էրեբունի» բժշկական կենտրոն։ Վթարի մասին ՃՈ օպերատիվ կառավարման կենտրոնի պատասխանատու հերթապահ Կարեն Հովակիմյանը տեղեկությունը փոխանցել է Ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է ավագ տեսուչ Ա. Դարբինյանը, ում կողմից փաստի առթիվ նյութեր են նախապատրաստվում։ Դեպքի վայրում հավաքվածները նշում էին, որ փախուստի դիմած ավտոմեքենան սև գույնի Lexus է եղել, համարանիշներն էլ «111 ԼP 11»։ Գ. Շամշյանի տեղեկություններով՝ նշված ավտոմեքենան հաշվառված է Երևան քաղաքի Արին Բերդի փողոցում գրանցված «Մանչո Գրուպ» ընկերության հաշվեկշռում։ Ճանապարհային ոստիկանությունը պարզում է փախուստի դիմած վարորդի ինքնությունը, ինպես նաև ձեռնարկում է օպերատիվ գործողություններ՝ ավտոմեքենան հայտնաբերելու ուղղությամբ։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները և տեսանյութը` Գագիկ Շամշյանի