Գյուղատնտեսության նախարարության աշխատակիցների ոտքերը պետք է ցեխոտվեն՝խնդիրները հասկանալու համար.ֆերմերներ

Գազի գնի էժանացումը եւ Թուրքիայից էժան լոլիկի ներմուծման արգելքը  դրական ազդեցություն է ունեցել գյուղացիների վրա. տեղականը սկսել է բավարար չափով սպառվել,այս մասին Հայելի ակումբում հրավիրված ասուլիսում ասացին ֆերմերները: Ֆերմեր Վարուժան Խուդեդանյանը նշում է, որ Արարատի մարզի Դարակերտ գյուղում գյուղացիները ցանկանում են ավելացնել նաեւ իրենց հողատարածքները, քանի որ այս տարի շահույթ են ստացել: Վարուժան Խուդադեդանյանը՝ անդրադառնալով լոլիկի շուկայում առկա վիճակին, արտահանման և ներմուծման հետ կապված խնդիրներին: Ըստ ֆերմերի՝ հայկական շուկայում առնվազն 95 տոկոսով տեղական լոլիկն է և Ռուստատան արտահանման հետ կապված  գործընթացն արդեն սկսվել է: «Մայիսի  10-15 արդեն կսկսվի արտահանվել, իսկ օրինակ՝ վարունգն արդեն արտահանվում է: Երբ մեզ մոտ լոլիկը դառնա 500 դրամ, կարտահանենք ՌԴ»,- ասաց նա՝ հավելելով, որ ֆերմերներն ունեն գյուղատնտեսության նախարարության աջակցության կարիքը: «Նրանք պետք է  գյուղացու կողքին լինեն, ամեն կերպ օգնեն, եթե մեր կողքը չեն, կարող են փակել այդ նախարարությունը»,- ասաց նա: Ֆերմեր  Արմեն Սիմոնյանն էլ հակադարձում է՝ թեեւ  թուրքական վարունգ եւ լոլիկ չունենք, բայց դա չի նշանակում, որ հարցը լուծվեց.  «Գյուղատնտեսության մակարդակը պետք է բարձրացնեն: Կասկածում եմ, որ գյուղատնտեսության նախարարությունը  տեղյակ է բոլոր խնդիրներից»,- ավելացրեց Արմեն Սիմոնյանը: «Ես կասկածում եմ, որ գյուղատնտեսության նախարարությունը գյուղացու խնդրին ծանոթ է. նրանց ոտքերը պետք է ցեխոտվի, որ հասկանան գյուղացու խնդիրը»,- ասաց նա, ապա կարծիք հայտնեց, որ շաբաթական առնվազն երկու ժամ պետք է  եթեր տրամադրվի, որպեսզի գյուղացուն ինֆորմացիա տրվի՝ որ մշակաբույսի հետ ինչպես պետք է  աշխատել: Նրա խոսքերով՝ գյուղացին պետք է  ինֆորմացված լինի, թե ինչպես մշակի բույսերը եւ պետք  է հատուկ հաղորդումներ կազմակերպվեն: Ֆերմեր Վարուժան Խուդեդանյանն էլ առաջարկեց  Գյուղատնտեսության նախարարությունը փակել եւ դարձնել կոմիտե: