Ինչի՞ հին Երեւանը քանդվեց, որ հիմա նոր հին Երեւան կառուցեն. քանդակագործ
Քանդակագործ Լեվոն Թոքմաջյանը Հայելի ակումբում լրագրողների հետ զրույցում նշեց, որ Երեւանում կառուցվում են անհայրենիք էլիտար շենքեր, որոնք չեն ներկայացնում Երեւանը։«Որքան գիտեմ, հիմա նախատեսվում է ստեղծել նոր «Հին Երեւան»։ Ինչի՞ հին Երեւանը քանդվեց, որ հիմա նոր հին Երեւան կառուցեն։ Մնացած հարցերը կարող են լուծել, տրանսպորտի, կանաչապատման, սակայն քաղաքի ճարտարապետական դիմագիծը պետք է պահպանել»,- շեշտեց նա: Այնուհետև պատմեց մի դեպք, երբ իսպանացի քանդակագործ հյուր է ունեցել և միասին շրջել են քաղաքում: «Իսպանացի մի քանդակագործ կար՝ Պաբլո Սերանո, որ եկել էր Երեւան՝ ես էի նրան ուղեկցում, ինչ ցույց էի տալիս, ասում էր՝ դրանից Իսպանիայում էլ կա։ Դուք ձերը ցույց տվեք։ Հիմա ո՞րն է մերը։ Մենք արտացոլումն ենք տեսնում ասֆալտի, քարի, սեւ ապակիների։ Կանաչ տարածքները քիչ են, դրանց վրա պետք է ուշադրություն դարձվի»,- ասաց նա:
Հետևեք մեզ Viber-ում
