Ուզում եմ, որ մեր հայերն աշխատեն. Սամվել Ալեքսանյանը չի համաձայնվել, որպեսզի Բանգլադեշ պետությունից 200 աշխատող Հայաստան բերեն
«Ալեքս տեքստիլ» ընկերության տնօրեն Մարատ Մովսիսյանը Tert.am-ի հետ զրույցում օրեր առաջ տեքստիլ արտադրությամբ զբաղվող ղեկավարների և վարչապետի հետ հանդիպումից որոշ մանրամասներ պատմեց՝ ցույց տալու համար, որ տեղեկությունը, թե Սամվել Ալեքսանյանը խոստացել է աշխատանքով ապահովել միայն Մալաթիայի բնակիչներին, անտեղի է: «Մի քանի օր առաջ ժողով էր, տեքստիլ արտադրության ղեկավարներն էին այնտեղ, նաև՝ ներդրումների նախարարը, ու մենք հարց էինք բարձրացնում, որ աշխատողների խնդիր կա: Անգամ մի կազմակերպության ղեկավար վարչապետին խնդրեց, որ հնարավորություններ տրվեն, օրենքի մեջ փոփոխություն լինի, որ Բանգլադեշից բնակիչներ բերեն: Խոսքը ոչ թե Հարավ Արևմտյան թաղամասի մասին է, այլ Բանգլադեշ պետության: Ուզում էր 200 մարդ բերել»,-պատմեց Մովսիսյանը: Նրա խոսքին միջամտեց ԱԺ ՀՀԿ խմբակցության պատգամավոր Սամվել Ալեքսանյանը. «Ես դրան համաձայն չեմ, ես ուզում եմ, որ մեր հայերը աշխատեն»: Մովսիսյանը շարունակեց, թե իրենք խնդրել են, որ ուսումնական մասով միայն օգնություն ապահովեն: «Հետո էլ պարոն Ալեքսանյանն արմատապես դժգոհ էր»,-ասաց նա: «Ալեքս տեքստիլ» ընկերության տնօրենը բացատրեց, որ ոչ թե էժան աշխատուժի, այլ աշխատել կարողանալու խնդիրը: «Այս գործին մի պետություն բավարար չէ, ինչ մնաց Մալաթիա»,-ասաց նա:
Հետևեք մեզ Viber-ում
