«Սա պառլամենտի նիստը չի». Գագիկ Հարությունյան
Այսօր Սահմանադրական դատարանում սկսվեց «Կոնգրես-ՀԺԿ» կուսակցությունների դաշինքի դիմումի հիման վրա՝ ՀՀ կենտրոնական ընտրական հանձնաժողովի 2017թ. ապրիլի 9-ի՝ «Հայաստանի Հանրապետության Ազգային ժողովի 2017թ. ապրիլի 2-ի ընտրությունների արդյունքներն ամփոփելու մասին» թիվ 163-Ա որոշումը վիճարկելու վերաբերյալ գործի լսումը:Դաշինքի անդամ, ՀԱԿ փոխնախագահ Լևոն Զուրաբյանը հայտարարեց, որ այս պահին ունի դեժավյուի զգացում, քանի որ 2012թ. ինքն այս նույն դահլիճում ներկայացնում էր ԱԺ ընտրություններն անվավեր ճանաչելու մասին գործը: «Սահմանադրական դատարան դիմելով՝ երկու նպատակ ենք հետապնդել: Առաջինը՝ մեր ու միջազգային հանրությանը ներկայացնել այս ընտրությունների վերաբերյալ ճշմարտությունը: Երկրորդ՝ սպառելով դատական ներքին ատյանները՝ դիմել Եվրոպական դատարան», - նշեց նա: «Սա պառլամենտի նիստը չի, որ Դուք քաղաքական ելույթ ունենաք և գնահատական տաք ՍԴ-ին, որ մտացածին պատճառներով է որոշում կայացնում»,- Զուրաբյանին ընդհատեց Գագիկ Հարությունյանը՝ նշելով, որ արգելվում է դատարանում քաղաքական որևէ ելույթ: Լևոն Զուրաբյանն էլ հայտարարեց, որ խնդիրը համակարգային է և չի կարելի խոսել զուտ ապրիլի 2-ի ընթացակարգերի մասին:
Հետևեք մեզ Viber-ում
