Հաց բերողին՝ Արթուր Սարգսյանին, չեն շնորհի «Ավրորա» մրցանակ
«Ավրորա» մարդասիրական նախաձեռնության համահիմնադիրներն այսօր ներկայացրել են 2017թ. «Ավրորա» մրցանակի հավակնորդներին: «Ավրորա» մրցանակը շնորհվում է Հայոց ցեղասպանությունը վերապրածների անունից և ի երախտագիտություն նրանց, ովքեր փրկության ձեռք մեկնեցին հայ ժողովրդին: Մրցանակին արժանանալու է այն հերոսը, որն օգնում է մարդկանց՝ անձնվիրաբար և բացառիկ ջանքերով: Այն տեղի է ունեցել Մատենադարանում, որի ժամանակ ցուցադրվել է ֆիլմ, ինչին հաջորդել է նախաձեռնության համահիմնադիրների հետ զրույց, որի ընթացքում քննարկվել են հումանիտար խնդիրների իրավիճակն աշխարհում եւ ներկայացվել՝ «Ավրորա» մարդասիրական նախաձեռնության հիմքում ընկած գաղափարախոսությունը: Իր խոսքով հանդես է եկել նաև ռեժիսոր Հրանտ Վարդանյանը: Նա նախաձեռնության համահիմնադիրներին առաջարկել է «Ավրորա» մրցանակի արժանացնել նաև Հաց բերողին՝ Արթուր Սարգսյանին, սակայն Ռուբեն Վարդանյանը տեղեկացրել է, որ դա մրցույթի սկզբունքների մեջ չի մտնում: «Մենք նման առաջարկ ևս ստացել ենք, սակայն չենք կարող նրան ներառել այդ մարդկանց ցանկում, քանի որ «Ավրորա» մրցանակի աժանանում են միայն ողջերը, ովքեր տարվա ընթացքում կարող են ներկայացնել և հանրությանն իրազեկել Հայոց ցեղասպանության մասին:Դժբախտաբար, մահացած մարդիկ չեն կարող լինել «Ավրորա»-ի մրցանակակիրներ»,- ասել է նա:
Հետևեք մեզ Viber-ում
