Մեր առջև ընդհանուր խնդիրներ են ծառացած . Մոգերինի
«Եվրամիությունը շահագրգռված է Ռուսաստանի հետ փոխգործակցել ահաբեկչության դեմ մղվող պայքարում, ինչպես նաեւ Սիրիայի եւ Լիբիայի իրադրության կարգավորման հարցում: Մեր առջեւ ծառացած են ընդհանուր խնդիրներ՝ կապված ահաբեկչության դեմ պայքարի հետ»,-այս մասին հայտարարել է Եվրամիության արտաքին գործերի եւ անվտանգության քաղաքականության գերագույն ներկայացուցիչ Ֆեդերիկա Մոգերինին ՌԴ-ի ԱԳՆ-ի ղեկավար Սերգեյ Լավրովի հետ կայացած հանդիպմանը: «Ես ցանկանում եմ մեկ անգամ եւս հավաստել ԵՄ-ի շահագրգռությունը այնպիսի հարցերի շուրջը համագործակցության գործում, ինչպիսին է Սիրիայի, Լիբիայի իրադրությունը: Եվրամիությանը հուզում է «Ղրիմի թերակղզու վիճակը»: Մենք լայն շրջանակի հարցեր ունենք քննարկման համար»,-հայտնել է նա: Եվրոպայի դիվանագիտության ղեկավարի այցը ՌԴ տեղի է ունենում այն ուղեւորության շրջանականերում, որն ընդգրկում է ապրիլի 19-ից մինչեւ 24-ը, որի ընթացքում նա նաեւ կայցելի Չինաստան եւ Հնդկաստան, հաղորդել է ՏԱՍՍ-ը:
Հետևեք մեզ Viber-ում
