15 միլիարդ դոլար ներդրումը հաջորդ ընտրությանը.Ծառուկյան
«Մենք կանխատեսում էինք, որ շատ լավ արդյունքներ պետք է լինեն, քանի որ ներկայացրել ենք մեր ծրագիրը, առաջարկը, մոտեցումը, կետերի փոփոխությունը, բայց ես առանձնապես իմ ժողովրդի ցավը տանեմ: Ե՛ւ ձայն տվողներից եմ գոհ, ե՛ւ չտվողներից, ամեն մարդ ինքն է որոշում իր ճակատագիրը, իր ապագան,բոլորը տեսան, որ ԲՀԿ-ն ընդդիմություն է»,- Ծիծեռնակաբերդում լրագրողներին ասաց «Բարգավաճ Հայաստան» կուսակցության նախագահ Գագիկ Ծառուկյանը: «Ուրեմն, սիրելի լրագրողներ, ես ձեզ ասեցի, երբ որ «Ծառուկյան դաշինքը» կստանար 50+1 տոկոս, այդ ներդրումն անմիջապես կլիներ: Դուք տեսաք ե՛ւ երաշխավորները, ե՛ւ ամբողջ աշխարհում իմ գործընկերները:Դա դեռ մեկն էր: Բոլորն էլ ցանկանում են, բայց ես երաշխիք չունեմ այդ պատասխանատվության տակ մտնելու: Մեր հարգարժան ժողովուրդն էլ մեզ տվեց 30 տոկոս, 29 տոկոս, դա կմնա արդեն մյուս ընտրությանը»,15 միլիարդ դոլար ներդրման խոստմանն անդրադառնալով, ասաց ԲՀԿ նախագահը:
Հետևեք մեզ Viber-ում
