Ֆրանսիայում փակվել են ընտրատեղամասերը

ՏԱՍՍ-ի հաղորդմամբ՝ Ֆրանսիայի նախագահական ընտրություններին մասնակցել է ընտրողների գրեթե 72 տոկոսը։ Նման տվյալներ է ներկայացրել երկրի ՆԳՆ-ն։ ՆԳՆ-ի տվյալներով, այդ ցուցանիշը մի փոքր ցածր է, քան 2012-ի նույն ժամանակաշրջանում։ Ֆրանսիայում 20:00-ին փակվել են գրեթե բոլոր ընտրատեղամասերը: Հիշեցնենք, որ ապրիլի 23-ին Ֆրանսիայում անցկացվում է նախագահական ընտրությունների առաջին փուլը։ Պետության ղեկավարի պաշտոնին 11 թեկնածու է հավակնում։ Նոր նախագահի անունը ֆրանսիացիները կիմանան միայն երկրորդ փուլից հետո, որը կկայանա մայիսի 7-ին։ Երկրում ավելի քան 66 հազար ընտրատեղամասեր են բացվել, որտեղ կարող են քվեարկել 47 մլն ֆրանսիացիներ։