Խոշոր ավտովթար Ուջան գյուղում

Երեկ՝ ապրիլի 22-ին, խոշոր ավտովթար է տեղի ունեցել Արագածոտնի մարզում: Ժամը 21:10-ի սահմաններում Երևան –Գյումրի ավտոճանապարհի 40-րդ կմ հատվածում՝ Ուջան գյուղի վաչական տարածքում, բախվել են Ուջան գյուղի բնակիչ, 62-ամյա Ավետիս Գրիգորյանի վարած ВАЗ 2106 մակնիշի 67 ՏՏ 780 համարանիշի և Քուչակ գյուղի բնակիչ, 24-ամյա Արթուր Պետրոսյանի վարած ВАЗ 2115 մակնիշի 34 QQ 430 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդները, որոնց ավտոմեքենաներից դուրս են բերել Աշտարակի հրշեջ-փրկարարները՝ օգտագործելով հատուկ տեխնիկա, մարմնական վնասվածքներով տեղափոխվել են Աշտարակի բժշկական կենտրոն: Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 1-ին դասակի աշխատակիցները՝ վաշտի հրամանատար, ոստիկանության փոխգնդապետ Գագիկ Վարդանյանի և դասակի հրամանատար Արմեն Պողոսյանի գլխավորությամբ: Փաստի առթիվ նույն վաշտի հետաքննիչ Էդգար Ավդալյանի կողմից նյութեր են նախապատրաստվում: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: