Փարիզում պատրաստվող ահաբեկչությունների մասին տեղեկություն ենք ունեցել.Ջոն Բրենան
BBC-ի ռուսական ծառայությունը հաղորդում է ,որ ԱՄՆ Կենտրոնական հետախուզական վարչության (ԿՀՎ) ղեկավար Ջոն Բրենանը խոստովանել է, որ Փարիզում խաղաղ բնակիչների վրա հարձակումներից կարճ ժամանակ առաջ նրա գլխավորած գերատեսչությունը տեղեկություն է ունեցել «Իսլամական պետություն» խմբավորման գրոհայինների կողմից խոշոր գործողություն նախապատրաստելու մասին, «Հարձակումները չի հաջողվել կանխել կոնկրետության պակասի պատճառով։ Ահաբեկչություններից ոչ շատ առաջ գրոհայիններն անցել են կապի նոր միջոցների, և ԿՀՎ-ն չի կարողացել որսալ ամենակարևոր բանակցությունները»,-հայտարարել է նա: Փարիզում տեղի ունեցածը Բրենանն անվանել է «բոլոր հետախուզական ծառայությունների ձախողումը»։ Նա նշել է, որ հարձակումների գրեթե բոլոր մասնակիցները ֆրանսիացիներ են եղել, որոնք մեկնել են Սիրիայում իսլամիստների մարզման ճամբարներ, իսկ այնուհետև առանց խոչընդոտների հետ են վերադարձել։ Բրենանն ընդգծել է, որ հետախուզական ծառայություններին հաջողվել է կանխել գրոհայինների շատ այլ գործողություններ, սակայն Ֆրանսիայի օրինակը ցույց է տալիս, որ հետախուզությունը պետք է ավելի լավ աշխատի։
Հետևեք մեզ Viber-ում
