Հայտնիությամբ առաջին տեղում է Նիկոլ Փաշինյանը, բայց Տարոն Մարգարյանն ավելի ազդեցիկ է. Սոցիոլոգ
Իշխող ուժը հաջողություն կունենա Երևանի ավագանու ընտրություններում։ Նման կարծիք այսօր Հայելի ակումբում հայտնեց սոցիոլոգ Ահարոն Ադիբեկյանը:«Պարզ է, որ ՀՀԿ-ի ներկայացուցիչը Երևանի ավագանու ընտրություններում հաջողություն է ունենալու»,- ասաց նա: Հայտնիությամբ առաջին տեղում է Նիկոլ Փաշինյանը, բայց Տարոն Մարգարյանն ավելի ազդեցիկ է. «ԵԼՔ-ի ու Երկիր Ծիրանիի միջև պայքար կգնա ընդդիմադիր ձայների համար։ Նրանք կփորձեն նաև իշխանության հսկողության տակ գտնվող ընտրողների ձայները վերցնելու», -ասում է սոցիոլոգը։ «Եթե ընդունենք, որ ՀՅԴ-ի ձայները, որպես կոալիցիայի անդամ, կանցնեն ՀՀԿ-ին, ուրեմն՝ 54 տոկոս կանխատեսված է ՀՀԿ-ի համար: «Ծառուկյան» դաշինքի էլեկտորատը 21 տոկոս ուներ Երևանում, այնտեղ կան իշխանամետ ընտրողներ և ընդդիմադիր. եթե իշխանամետները գան ընտրության, ապա ՀՀԿ-ին կտան: Մնացած ձայները, եթե նույնիսկ լրիվ անցնեն «Ելքին» կամ «Երկիր Ծիրանիին», մեկ է, իրենք պարտվում են, այսինքն՝ ՀՀԿ-ի հաղթանակը կանխատեսված է արդեն Ազգային ժողովի ընտրությունների ձայներով»,- բացատրեց սոցիոլոգը:
Հետևեք մեզ Viber-ում
