Ոճրագործ ասելով՝ ո՞ւմ նկատի ունեք. թեժ վեճ՝ հայ պատգամավորի և թուրք նախարարի միջև. տեսանյութ
Թուրքիայում քրդական Ժողովուրդների դեմոկրատական կուսակցության հայ պատգամավոր Կարո Փայլանի և Թուրքիայի աշխատանքի ու սոցիալական ապահովության նախարար Սուլեյման Սոյլուի միջև վիճաբանություն է տեղի ունեցել:
Ինչպես տեղեկացնում է Cumhuriyet-ը՝ բյուջեի հանձնաժողովի նիստում Փայլանը հայտնել է, որ վերոնշյալ նախարարի կողմից իր կուսակցության հասցեին հնչեցված սպառնալիքներից հետո հրդեհվել է կուսակցության 300 գրասենյակ:
Փայլանը մեջբերած փաստերը զայրացրել են նախարարին, ով սկսել է սպառնալիքներ հնչեցնել Փայլանին՝ ասելով, որ Քուրդիստանի բանվորական կուսակցության զինյալներին (որոնք, ըստ թուրքական իշխանությունների, ահաբեկիչ են) ջարդելու են ԺԴԿ-ի գլխին: Նախարարն այնուհետև «ոճրագործ» է բացականչել՝ իբր ի նկատի ունենալով ՔԲԿ-ին և նրանց աջակիցներին:
Նման ելույթից հետո Փայլանը «սանձել է» թուրք նախարարին: «Չափերդ ճանաչիր, ես պատգամավոր եմ: Ոճրագործ ասելով՝ ո՞ւմ նկատի ունեք»,-հարցրել է Փայլանը, ինչից հետո նախարարը շարունակել է արդարացման ջանքերը:
Ի դեպ, վեճի ընթացքում թուրք նախարարը լքել է դահլիճը և լրագրողներին հետ առանձին զրուցելուց և արադացումներ ներկայացնելուց հետո հետ վերադարձել՝ վիճելու:
Հետևեք մեզ Viber-ում
