Իմ հայտարարագիրը նվազել է. Տարոն Մարգարյան
«Իմ հայտարարագիրը 2013 թ-ից չի աճել, ընդհակառակը՝ նվազել է: Կարող եք նայել, թե ինչն է ավելացել, ինչը՝ պակասել: Որ լավ նայեք, այդ արտահայտությունը չեք անի: Նայեք, թե գույքն ինչքան է պակասել, ինչն է վաճառվել», - «Ազգ-բանակ» 2017 համաժողովից առաջ լրագրողների հետ զրույցում ասաց Երևանի քաղաքապետ Տարոն Մարգարյանը՝հերքելով Զարուհի Փոստանջյանի այն հայտարարությունը, որ իր ունեցվածքը յուրացվել է քաղաքապետարանի բյուջեից: «Ես չեմ լսել, որ Նիկոլ Փաշինյանը նման արտահայտություն է արել: Եթե նման խնդիր կար, ինքը կհարցներ, մենք հստակ կպատասխանեինք: Վարորդի խնդիր ունենք «Ավտոբուս» ՓԲԸ-ում, բայց դա չի նշանակում, որ մեքենաները կանգնած են և չեն աշխատում: Ինչ վերաբերում է տրանսպորտի վիճակին, ապա մենք չեն ասում, որ տրանսպորտի վիճակը Երևանում լավ է: Դրա համար մենք ունենք մեր ծրագիրը, որը հանրությանը կներկայացնենք և կունենանք տրանսպորտի վերջնական լուծումը»,- անդադառնալով քաղաքապետի թեկնածու Նիկոլ Փաշինյանի հայտարարությանն այն մասին, որ 200-ից ավելի ավտոբուս չի շահագործվում, քանի որ վարորդներ չկան, հետևաբար Երևանում տրանպորտը կաթվածահար վիճակում է, նշեց Տարոն Մարգարյանը :
Հետևեք մեզ Viber-ում
