Արամ Սարգսյանը հորդորեց մասնակցել «Եվրատեսիլ 2017»-ին
Երևանի ավագանու առաջիկա ընտրություններին ընդառաջ անցկացվեց «ԵԼՔ» դաշինքի դրամահավաքի երեկոն, որն ուղղված է մայիսի 14-ին կայանալիք Երևանի ավագանու ընտրությունների քարոզարշավին։ Դաշինքի անդամների կատարմամբ հնչեց «Երևան դարձած իմ Էրեբունի» երգը, որը շուտով նաև տեսահոլովակ կունենա։ «Ելք» դաշինքի առաջնորդներից Արամ Սարգսյանն էլ այս առնչությամբ ասաց. «Իզուր էիք կատակի վերածում, հանգիստ կարող եք «Եվրատեսիլ 2017»-ին մասնակցել: Շատ լավ կատարում էր»: Անդրադառնալով դրամահավաքին՝ նա նշեց, թե կա մարդկային որոշակի տեսակ, որը թերահավատորեն է մոտենում դրամահավաքներիի միջոցով քարոզարշավի ծախսերը հոգալու իրենց մոտեցմանը։ «ժողովուրդ ջան, ես մեր այս գործունեությունը, մեր ամեն մի տված դրամը, համեմատում եմ աստվածաշնչյան հինգ հացի ու երեք ձկան բազմապատկման գործընթացի հետ, երբ հինգ հազար մարդ կերակրվեց: Թերահավատներին կարող եմ ասել, որ մեր այս գործունեությունը ոչ միայն արդյունավետ է, այլև՝ առաջադեմ է նորարարական է, քրիստոնեավայել է: Շնորհակալություն բոլորիդ սուղ պայմաններում մեզ աջակցելու համար: Աստված թող ձեր մեկը հազար անի»:
Հետևեք մեզ Viber-ում
