Ուսումնասիրելով Ռուսաստանի շուկան՝ հսկայական պոտենցիալ են տեսել
«Սպայկա» ընկերության նախագծերի կառավարման բաժնի ղեկավար Կարեն Բաղդասարյանը լրագրողներին հայտնեց իրենց հետագա ծրագրերի մասին և տեղեկացրեց,որ «Սպայկա» ընկերությունը այս տարվա ընթացքում նախաձեռնել է մի քանի խոշոր ծրագիր, որոնց իրականացման համար նախատեսվում է բացել 300 նոր աշխատատեղ: «Ընկերությունը Հայաստանում այս տարի պատրաստվում է ներդնել 70 մլն դոլար,դրա մեջ մտնում են պանրի գործարանը, կաթի արտադրության և վերամշակման գործարանը, ավելի քան 20 հա ջերմոցներ, «Արմզոն» նախագիծը, որը ենթադրում է օնլայն գնումներ ու մատակարարումներ է իրականացնելու դեպի Ռուսաստան՝ վերջնական սպառողին, և ինտենսիվորեն հիմնադրվելու են այգիներ՝ ավելի քան 1000 հա», - հայտնեց Կ. Բաղդասարյանը: Նախորդ տարվա ընթացքում «Սպայկա»-ն ավելի քան 100 հազար տոննա արտադրանք է արտահանել Հայաստանից,այս տարի կաշխատեն ոչ միայն պահպանել,այլև ավելացնել: Ավելի մանրամասնելով ասաց,որ պանրի սեփական արտադրությունը «Սպայկա» ընկերության համար նոր ուղղություն է: Գործարանը գործելու է Կոտայքի մարզում: «Ուսումնասիրելով Ռուսաստանի շուկան՝ հսկայական պոտենցիալ տեսանք: Ներկայումս արդեն իսկ պայմանագրեր են կնքվել՝ Հայաստանից տարեկան ավելի քան 1000 տոննա բորբոսով պանիր արտահանելու նպատակով: Դրա համար էլ հենց կառուցվելու է այդ գործարանը», - ասաց Բաղդասարյանը:
Հետևեք մեզ Viber-ում
