Պատասխանը չի ուշանա
«Ղարաբաղյան պատերազմի վետերանների միություն» ՀԿ անդամ ազատամարտիկները շարունակում են իրենց առաքելությունը հենակետային դիրքերում: «Շարունակում ենք ինժիներատեխնիկական աշխատանքներ կատարել դիրքերում, որի մասին կարիք չկա մանրամասնել: Բայց ուզում ենք հիշեցնել, որ պատերազմը չի ավարտվել ու ամեն մի զինվորի մահվան դիմաց հող ու հայրենիքով են պատասխան տալու»,- Հայելի.am-ի թղթակցի հետ զրույցում ասաց «Ղարաբաղյան պատերազմի վետերանների միության» նախագահ Յուրի Միքայելյանը: «Սահմանապահ ժողովուրդը՝ անկախ զինվոր է, թե բնակիչ, պատրաստ են թուրքի գլուխը ջարդել: Ամեն զինվորի մահը, չեք պատկերացնի` ոնց է բարկացնում: Երբ հրաման ստանանք գլխավոր հրամանատարից՝ կսատկացնենք դրանց»,- ընդգծեց Միքայելյանը : Ազատամարտիկը ընդգծեց, որ շատ մեծ ցավ են ապրել լսելով զոհված հովվի մասին: «Պատասխանը շուտով կստանան: Կռված տղեն մահանա իր խաղաղ կյանքով ապրելիս: Թշնամին նենգ է ու միայն նենգաբար կարող է մեզնից մարդկային կյանք խլել: իրենք չեն կարող մեր դեմը դուրս գան, բայց Աստված չանի հրաման լինի` իրենց հացը ցամաք կուտեն»,-ընդգծեց Յուրի Միքայելյանը: Յուրի Միքայելյանը հայտնեց, որ ազատամարտիկները առաջիկա օրերին կբարձրանան դիրքեր և իրենց փորձով կկիսվեն սահմանապահ զինվորների հետ: Լուսինե Ղազարյան
Հետևեք մեզ Viber-ում
