Մուշեղը չի կպել Անիին. կրկին հացադուլի մեջ է

Էքստրասենս Անի Մաջնունյանի սպանության մեջ մեղադրվող՝ «Յանուս» թատրոնի գեղարվեստական ղեկավար Մուշեղ Մխիթարյանը  կրկին հացադուլ է հայտարարել: Այս մասին  Հայելի. am-ի թղթակցի հետ զրույցում ասաց Մխիթարյանի պաշտպանը՝ Մարինե Ֆարմանյանը: Պաշտպանը տեղեկացրեց, որ Մուշեղ Մխիթարյանը հացադուլի մեջ է հունվարի 29-ից: «Կալանքի ժամկետը երկարաձգելուց հետո Մուշեղը կրկին անգամ հացադուլ հայտարարեց: Նա չի ընդունում իր մեղքը: Դատակենսաբանական արդյունքները ցույց են տվել, որ նա չի կպել Անիին: Մուշեղից մատնահետք, ոչ մի հետք դիակի շորի վրա չի հաստատվել»,-ընդգծեց պաշտպանը հավելելով, որ նախաքննական պրոցեսում` վկան, որը Մուշեղի ընկերուհին է  պնդում է, որ Մուշեղ Մխիթարյանը կալանավորված մնա: Հիշեցնենք, որ 2015թ. օգոստոսի 5-ին Երեւանի Մազմանյան 5 շենքի թիվ 20 բնակարանում հայտնաբերվել է «6-րդ զգայարան» հաղորդաշարի էքստրասենս, 53-ամյա Անի Մաջնունյանի դին՝ բազմաթիվ ծակած-կտրած վնասվածքներով: Մուշեղ Մխիթարյանին, մեղադրանք է առաջադրվել ՀՀ քրեական օրենսգրքի 104-րդ հոդվածի 2-րդ մասի 8-րդ կետով (սպանություն` զուգորդված ավազակությամբ): Աստղիկ Ավագյան