Սա ողջ Թուրքիայի հաղթանակն է.Էրդողան

«Սահմանադրական հանրաքվեի արդյունքները կծառայեն Թուրքիայի ժողովրդի և պետության բարօրությանը:  Թուրքիան ի զորու է դիմակայել ցանկացած մարտահրավերների ու ճգնաժամերի, քանի դեռ կա հավատարմություն ժողովրդավարության սկզբունքներին և ժողովրդի կամք։ Դրա վառ օրինակ է դարձել 2016 թվականի հուլիսի 15-ի հեղաշրջման փորձի կանխումը»,-Anadolu գործակալության փոխանցմամբ ասել է Ռեջեփ Թայիփ Էրդողանը : Ապրիլի 16-ի հանրաքվեն ժողովրդի վճառականության ապացույց է՝ որոշելու սեփական ճակատագիրը, երկրի ապագան։ «Ապրիլի 16-ի հանրաքվեի արդյունքները  յուրաքանչյուրի հաղթանակն է, ով քվեարկել է «այո» և «ոչ»։ Դա ողջ Թուրքիայի հաղթանակն է»,-ասել է նա։ Նա նշել է, որ արտերկրում բնակվող Թուրքիայի քաղաքացիները հանդիսանում են այդ հաղթանակի անքակտելի մաս։ «Ներկայիս բարեփոխումները հանդիսանում են ամենակարևորը Թուրքիայի պատմության մեջ։ Թուրք ժողովուրդը կողմ է հանդես եկել նման կարևոր փոփոխություններին»,-ասել է նա։ Ինչպես նշել է Էրդողանը, հանրաքվեի որոշ կետեր անմիջապես ուժի մեջ կմտնեն։ «Կառավարման նախագահական ձևն ուժի մեջ կմտնի 2019 թվականին՝ նախագահական ընտրությունների հետ»,-ասել է նա։