Երևանում 37-ամյա վարորդը 07-ով բախվել է մի քանի կայանված ավտոմեքենաների
Այսօր` փետրվարի 14-ին, ավտովթար է տեղի ունեցել Երևանում: Ժամը 07:00-ի սահմաններում Կոմիտասի պողոտայի թիվ 27 շենքի դիմաց Երևանի Գյուլբենկյան փողոցի բնակիչ, 37-ամյա Տիգրան Նիկողոսյանը իր վարած ВАЗ 2107 մակնիշի 34 TR 050 համարանիշի ավտոմեքենայով բախվել է կայանված վիճակում գտնվող Nissan Tiida մակնիշի 75 FN 075 համարանիշի, Ford մակնիշի 34 VA 847 համարանիշի և Ford Transit մակնիշի 34 RT 640 համարանիշի ավտոմեքենաներին: Ինչպես հայտնում է ֆոտոլրագրող Գագիկ Շամշյանը, բախումներից հետո Տ. Նիկողոսյանը իր ավտոմեքենայով հարվածել է երկաթյա ցանկապատին: Վթարի հետևանքով Տ.Նիկողոսյանը մարմնական վնասվածքներով տեղափոխվել է Էրեբունի բժշկական կենտրոն: Վթարի վայր են ժամանել Ճանապարհային ոստիկանության 1-ին սպայական գումարտակի ծառայողները` Հայաստանի քննչական կոմիտեի Երևանի քննչական վարչության հատկապես կարևոր գործերով ավագ քննիչ Գագիկ Հարությունյանի գլխավորությամբ: Ոստիկանությունն ու քննչական բաժինը պարզում են մյուս ավտոմեքենաների վարորդների ինքնությունը:
Հետևեք մեզ Viber-ում
