Քիմիական զենքը թաքցնելու համար Սիրիացի նախկին գեներալը մեղադրել է Ասադին

The Telegraph պարբերականի հետ զրույցում  Սիրիայի բանակի գեներալ Զահեր աս-Սակատը, ով դասալքվել է 2013 թվականին, հայտարարել է, որ երկրի նախագահ Բաշար Ասադը թաքցրել է հարյուրավոր տոննաների հասնող քիմիական զենք։«Նրանք խոստովանել են միայն 1300 տոննայի (քիմիական զենք) առկայությունը, մինդեռ իրականում այն կրկակի շատ է եղել։ Նվազագույն գնահատականով՝ նրանք ունեցել են 2000 տոննա»,-ասել է սիրիացի նախկին զինվորականը։ 2016 թվականին Քիմիական զենքի արգելման կազմակերպությունը հայտարարել է, որ քիմիական զենքը լիովին ոչնչացվել է կամ դուրս բերվել Սիրիայից։ Սակայն գեներալը հաստատում է, որ սիրիական իշխանությունները համաձայնել էին քիմիական զենքի միայն մի մասի ոչնչացման։ Աս-Սակատը եղել է սիրիական բանակի քիմիական զենքի ոլորտում ամենաբարձրաստիճան զինվորականներից մեկը։ Չայած դասալքությանը՝ նա կապեր է պահպանում երկրի պաշտոնատար անձանց հետ։ Նախկին գեներալը վստահ է, որ Սիրիան զարինի և զարինի ստացման համար նյութի մեծ պաշարներ ունի։ Բացի այդ, նա հաստատում է, որ սիրիական բանակի տրամադրության տակ կան ավիառումբեր, որոնք կարող են քիմիական լիցքեր կրել։