Վարդան Հարությունյանը խաղի կանոններ է խախտել

Ապրիլի 2-ի ընտրություններից առաջ, հատկապես Կոտայքի մարզում, փոխպայմանավորվածություն էր ձեռք բերվել, որ ՀՀԿ-ի ու Ծառուկյան դաշինքի թեկնածուներն իրար չեն խանգարելու, իրար տարածք չեն մտնելու։ Սակայն պարզվում է, որ ՀՀԿ-ն խախտել է ի դեմս ՊԵԿ ղեկավար Վարդան Հարությունյանի։ Մեր տեղեկություններով «հակառակորդ» թիմի երեք տեղամասում նա 3000 ձայնի դիմաց վատնել է 120 մլն դրամ հօգուտ վարչապետ Կարեն Կարապետյանի հովանավորյալ Անդրանիկ Հարությունյանի, որը գազի ոլորտի մասնագետ է, ու այս ընտրությունների «սյուրպրիզի» տիտղոսին է արժանացել՝ հավաքելով 11324 ձայն։ Նա ՀՀԿ-ի ամենաշատ ձայն հավաքած թեկնածուներից երկրորդն է, զիջում է Ֆլեշի Բարսեղի՝ Բեգլարյանի փեսա Սամվել Սանամյանին, որը ստացել է 12645 ձայն, երրորդը Արամ Հարությունյանն է՝ 10808։ Իսկ «Ծառուկյան» դաշինքից թիվ 10 ընտրատեղամասում առաջադարված թեկնածու, Ծառուկյանի փեսա Դավիթ Մանուկյանը հավաքել է՝ 20 761 քվե, Շշի Մելո մականվամբ՝ Մելիք Մանուկյանը՝ 5751 քվե: Այստեղ «Ծառուկյան» դաշինքն առաջատար է։