«Կառավարությունը «мозговой центр»-ն ենք սարքում». Կարեն Կարապետյան

ՀՀ վարչապետ Կարեն Կարապետյանն այսօր կառավարության նիստի ժամանակ նշել է, որ գյուղատնտեսության նախարարություն իր աշխատանքային այցի արդյունքում առաջարկվել է տեղական արտադրանքի խրախուսման 2 հստակ ուղղություն՝ հանքային և կենսաբանական պարարատանյութերի արտադրություն և տեղական սերմանբուծություն։ Նա հանձնարարել է 1-ամսյա ժամկետում ուսումնասիրել գյուղոլորտում առկա սելեկցիոն կայանները և սերմնաբուծությամբ զբաղվող կազմակերպություների գործունեությունը։ Այնուհետև գյուղատնտեսության ու տնտեսական զարգացման և ներդրումների նախարարներին հանձնարարել է համատեղ քննարկել և ներկայացնել հանքային և կենսաբանական պարարատանյութերի արտադրության կազմակերպման փաթեթ. «Այդ երկու ոլորտն էլ շատ տրամաբանական շահութաբեր հասկանալի բիզնես են։ Չեմ կարծում, որ մենք ներդրող չենք ճարի: Կառավարությունը «мозговой центр»-ն ենք սարքում»։ Այնուհետև Կարեն Կարապետյանը հանձնարարել է ՀՀ գյուղատնտեսության և տարածքային կառավարման և զարգացման նախարարներին 2-շաբաթյա ժամկետում առաջարկություններ ներկայացնել մայիսի 1-ից համայնքներում անասնաբույժի հաստիքներ սահմանելու և արյունառման շրջիկ խմբեր ստեղծելու ուղղությամբ։