ԿԲ-ին պատկանող վթարված աշխատակիցներին տանում էր Դիլիջան

Այսօր՝ ժամը 08:31-ին, ահազանգ է ստացվել, որ Սևան-Դիլիջան ավտոճանապարհի 22-րդ կմ-ին տեղի է ունեցել վթար, կան տուժածներ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Սևան-Դիլիջան ավտոճանապարհին իրար բախվել են ավտոմեքենան ու միկրոավտոբուսը, ինչի հետևանքով 3 անձ մարմնական վնասվածքներ են ստացել։ Մեր տեղեկություններով՝ ավտոբուսը Կենտրոնական բանկինն է,երկուշաբթի առավոտյան Երեւանից Դիլիջան աշխատանքի էր տանում ԿԲ աշխատակիցներին, նրանց մեջ վիրավորներ կան: Սեւանի բժշկական կենտրոնից մեզ հայտնեցին, որ տուժածներից մեկի վիճակը ծանր է, նրան տեղափոխել են Երեւան, իսկ երկուսի վիճակը գնահատվում է բավարար։ Նրանք կարողանում են ինքնուրույն տեղաշարժվել։