Նավթի գինը 55 դոլարից բարձր կլինի

А. P. Moller-Maersk Group դանիական ընկերության ղեկավարը կարծում է, որ մեկ բարելի դիմաց 54 դոլար նավթի գինը շատ ցածր է նավթի բավարար քանակ արտադրելու եւ համաշխարհային պահանջարկը բավարարելու համար։ Այս մասին գրում է Bloomberg-ը՝ վկայակոչելով ընկերության գլխավոր տնօրեն Նիլս Անդերսենին։ «Մենք ակնկալում ենք, որ նավթի գինը կաճի: Երբ նավթի գինը 110 դոլար էր, մենք հստակ ակնկալիքներ ունեինք, որ գինը նվազելու է, բայց իհարկե չէինք ենթադրում, որ դա կլինի բարելի դիմաց 30 դոլարը»,- ասել է Անդերսենը եւ հավելել, որ նավթի գինը պետք է ավելի բարձր լինի, քան 2015թ. միջին արժեքը։