Դաշնակցության բերած,դաշնակցության տարած

ՀՀ կրթության և գիտության նախարար Արմեն Աշոտյանն այսօր լրագրողների հետ զրույցում անդրադարձավ իր պաշտոնանկության մասին լուրերին և հայտարարեց,որ ինքը շարունակում է և շարունակելու է պաշտոնավարել ,քանի դեռ չի եղել նախագահի հրամանագիրը՝իրեն պաշտոնից ազատելու մասին: Լրագրողների այն հարցին,թե ինչպես է նայում այն հանգամանքին,որ իրեն փոխարինելու է դաշնակցական նախարարը,Աշոտյանը պատասխանեց.<<Դաշնակցության բերած,դաշնակցության տարած>>,նկատի ունենալով այն հանգաման,որ իրեն՝կրթության և գիտության նախարար նշանակելուց առաջ պաշտոնը զբաղեցնում էր դաշնակցական Սպարտակ Սեյրանյանը,ով հրաժարական տվեց ՀՅԴ-ի՝կոալիցիայից դուրս գալուց հետո: Նախարարը նշեց, թե կարծում է, որ միշտ պետք  է պատրաստ լինել քաղաքական գործընթացների շրջանակներում նոր էջ բացելուն: «Ես այդ էջը իմ թիմով, աշխատանքով այս  յոթ տարիների ընթացքում բավականին խիտ եմ գրել և այդ էջը բավականին ծանր է իր աշխատանքային ծավալի իմաստով, սակայն թերթել հարկավոր էր և ես քաղաքական գործընթացների շրջանակներում ես այդ էջը թերթել եմ հոգեբանորեն, իրավաբանորեն՝ ոչ, որովհետև դեռ նախարար եմ»,- ասաց նա և նշեց , որ աշխատում են մինչ այն պահը, երբ  2009 թվականին նախագահի նշանակած նախարարը  2016 թվականին նախագահի հրամանագրով կազատվի աշխատանքից: «Որևէ անձնական, քաղաքական կամ մասնագիտական ճգնաժամ հոգուս մեջ չկա, ճիշտ հակառակը կարծում եմ, որ ամենապատեհ ու ամենալավ պահն էր պատրաստ լինել դուրս գալ կոմֆորտի զոնայից»,-ասաց նա: