Սամվել Ալեքսանյանի կինը հողամաս եւ շինություն է գնել

ԱԺ ՀՀԿ խմբակցության պատգամավոր, Մալաթիա-Սեբաստիա եւ Շենգավիթ վարչական շրջանները ընդգրկող թիվ 3 ընտրատարածքում ռեյտինգային ընտրակարգով առաջադրված Սամվել Ալեքսանյանը 2016 թվականին հայտարարագրել է 342 միլիոն դրամ եւ 8 միլիոն ԱՄՆ դոլար։ Սամվել Ալեքսանյանի եկամուտները կազմել են 19 միլիոն դրամ։ Ալեքսանյանի ձեռք բերած եւ օտարած անշարժ, շարժական գույքի եւ փոխառությունների մասին տվյալներ չկան։ Ամբողջովին այլ պատկեր է Սամվել Ալեքսանյանի տիկնոջ՝ Շողերինա Մկրտչյանի հայտարարագրում․ տիկին Շողիկը, ինչպես միշտ սիրում է ասել Սամվել Ալեքսանյանը, 2016-ի վերջին ձեռք է բերել 6 միլիոն դրամ արժողությամբ հողամաս, 7 միլիոն դրամով էլ՝ արտադրական նշանակության շինություն։ Տիկին Շողիկի դրամական միջոցնեը զգալիորեն գերազանգել են պատգամավոր ամուսնու միջոցնրեին, եւ այսպես 2016 թվականին կազմել են 3 միլիարդ, 995 միլիոն եւ 8 միլիոն ԱՄՆ դոլար։ Շողերինա Մկրտչյանի տարեկան եկամուտները կազմել են 305 միլիոն դրամ։ Գրեթե 4 միլիոն դրամ եկամուտ էլ արձանագրվել է Սամվել Ալեքսանյանի դստեր՝ Աստղիկ Ալեքսանյանի հայտարարագրում: Սեդա Ղուկասյան