Այդ մարդկանց երբեմն ուզում եմ հարցնել՝ տատիկիդ առողջությունը ո՞նց է.Հրաչ Պողոսյան

«Մարզահամերգային համալիրը մեծ ծախսեր է պահանջում : Համալիրը խորհրդային տարիներից մնացել է ժառանգություն: Յուրաքանչյուր պետություն եւ ընտանիք պետք է ուղղակի լավ ճանաչի իրեն հասած ժառանգությունը եւ հասկանա՝ որը կարող է պահել, որը պետք է, որը պետք չէ : Եթե պետք է պահել, ապա միջոցներ է պետք հայթայթել»,-Հայելի ակումբում հրավիրված ասուլիսում,անդրադառնալով Մարզահամերգային համալիրին վաճառքին ր դրա չեղյալ հայտարարելուն հայտարարեց  համալիրի համահեղինակ Հրաչ Պողոսյանը: «Մեզ մոտ էդ պահպանումը որպես գաղափար գոյություն չունի: Եթե մի փոքր վթար կա մի շենքում, մտածում են՝ վերացնել, շենքը վերացավ՝ պրոբլեմ էլ չկա: Նույն բանը կատարվեց երիտասարդական պալատի հետ: Այդ մարդկանց երբեմն ուզում եմ հարցնել՝ տատիկիդ առողջությունը ո՞նց Է: Եթե մի քիչ վատ է, ի՞նչ ես մտածում՝ բուժե՞ս, թե՞ ուղարկես էն աշխարհ: Մարզահամերգային համալիրը Պաշտպանության նախարարությանը հանձնելը ճարահատյալ քայլ էր: Նրանցը չէ համալիրը, դա ժողովրդինն է, եւ պաշտպանության նախարարը շատ անհարմար վիճակի մեջ ընկավ այդ պատճառով»: