Ադրբեջանական նավթի արդյունահանումը կկրճատվի

Նավթ արդյունահանող երկրների միությունը` OPEC-ն իր ամսական զեկույցում հայտնել է, որ 2016 թվականին Ադրբեջանում նավթի արդյուհանման օրական ծավալը 40 հազար բարելով կամ 4,7 տոկոսով նվազելու է:Ինչպես հաղորդում է «Արմենպրես»-ը` վկայակոչելով «Ազադըգ» թերթը, OPEC-ի տվյալներով` անցյալ տարի Ադրբեջանում նավթի արդյունահանման օրական ծավալը 860 հազար բարել էր, այս տարի այն կընկնի 820 հազար բարելի: The Wall Street Journal հանդեսն էլ հայտնել է, որ Կասպից ծովում ադրբեջանական «Գյունեշլի» նավթահանքում երկու ամիս շարունակված հրդեհի պատճառով, որի հետեւանքով 34 մարդ զոհվել էր, Ադրբեջանում օրական 10-12 հազար բարել պակաս նավթ է արդյունահանվել: «Ադրբեջանի պետական նավթային հիմնադրամը` SOCAR-ը այս հարթակից արդյունահանում էր իր ամբողջ նավթի 60 տոկոսը: Այժմ արդյունահանվում է տարեկան 500-600 հազար տ, կամ 10-12 հազար բարել նավթով պակաս», -գրել է թերթը` հղում կատարելով SOCAR-ի նախագահ Ռովնագ Աբդուլլաեւի` Լոնդոնում նավթի համաժողովում արած հայտարարությանը: