«Հույս ունեմ՝ հաջորդ այցի ժամանակ կկատարեմ նաև Ձեր երկրի երաժշտությունը»
Ֆրանսիացի հանրահայտ դաշնակահար Ռիշար Կլայդերմանը կանանց միամսյակի կապակցությամբ մարտի 18-ին Կ. Դեմիրճյանի անվան մարզահամերգային համալիրում հանդես կգա համերգային ծրագրով: Նրան կնվագակցի Հայաստանի պետական կամերային նվագախումբը: «Սա իմ երկրորդ այցն է Հայաստան, և չափազանց ոգևորված եմ համերգային ծրագրի կապակցությամբ: Հուսամ, համերգը լավ կանցնի և բոլորիդ դուր կգա: Ներկայացնելու եմ նոր ստեղծագործություններ, և այս ծրագիրը տարբերվելու է նախորդից»,-նշեց դաշնակահարը և հավելեց, որ մի շարք ռոմանտիկ գործեր կնվիրի կանանց ու կկատարի նաև երաժշտություն հայտնի ֆիլմերից: «Երաժշտությունը այն սերն է, որ 38 տարի պահում է ինձ այս գործում; Շնորհակալ եմ բոլորիդ այն սիրո համար, որ ունեք իմ և երաժշտության հանդեպ: Հույս ունեմ՝ հաջորդ այցի ժամանակ կկատարեմ նաև Ձեր երկրի երաժշտությունը»,-խոստացավ աշխարհահռչակ երաժիշտը: Համերգը տեղի կունենա մարտի 18-ին Կ․ Դեմիրճյանի անվան մարզահամերգային համալիրում:
Հետևեք մեզ Viber-ում
