Հայաստանի կոմկուսը դատապարտում է «Հաց բերող» Արթուր Սարգսյանի հանդեպ ցուցաբերված վերաբերմունքը

Կոմունիստական կուսակցության պատգամավորության թեկնածու , բնապահպան Սիլվա Ադամյանն այսօր Հայելի ակումբում լրագրողների հետ հանդիպման ժամանակ նշեց, որ Հաց բերող Արթուր Սարգսյանի մահը շատ ցավալի մի բան էր: Այնուհետև հայտարարեց, որ դատապարտում են, քանի որ մարդ, որը փորձել է հացով, ջրով օգնել մարդ արարածին, արժանացել է նման վերաբերմունքի: Մամուլի ասուլիսի մեկ այլ մասնակից՝ կոմկուսից պատգամավորի մեկ այլ թեկնածու Նաիրա Մարտիրոսյանն իր հերթին ասաց. «Արթուր Սարգսյանի առողջությունն այնքան էլ լավ վիճակում չէր, բայց նա մեծ հոգի ուներ։ Եթե մեր հասարակությունում նման մարդիկ շատ լինեին, ամեն ինչ շատ ավելի լավ կլիներ»։