«Մի մեծ ընտանիքի հաց բերող է մահացել». Լարիսա Ալավերդյան

«Մի մեծ ընտանիքի հաց բերող է մահացել»: Այս խոսքերով սկսեց իր ելույթը ՀՀ առաջին օմբուդսմեն, իրավապաշտպան  Լարիսա Ալավերդյանը: «Հանձին Արթուր Սարգսյանի՝ մենք ունենք նոր առասպել։ Նա չուներ որևէ հավակնություն, չէր ներկայացնում ուղղակի վտանգ»,- ասաց ՀՀ առաջին օմբուդսմենը։ Ինչպես հայտարարեց՝ իրենք գնալու են այս դեպքի հետքերով՝ մի մեծ ընտանիքի հաց բերող է մահացել. «Ես համոզված եմ, որ իր գործով զբաղվում են շատ հմուտ իրավաբաններ, մենք պետք է հասնենք ոչ միայն նրան, որ հերոսացնենք կամ տխրենք, արձան դնենք, ինչի հետ համաձայն եմ, այլ անպայման պետք է այս հարցին իրավական լուծումներ տալ, և մեղավորները պետք է պատիժ կրեն»։